Sok Teuing

  • Bagikan

Oleh: Sobiran Sinaga –

Molo menanggapi tautan sian sada portal berita, godanganma jolma di negeritta on berkomentar dang jolo dijaha sahat tu pudi. Langsung hujat tanpa pikir.

Akka onma jolma sekelas sitakkaltabu.

Disada kios rokok di Siantar nabalau on, makkatahataima dua halak ama-ama.

Amani Homang: “Najolo pangkatni Kapolres di Siantar on idokma Letkol. Alai nuaeng dang Letkol be.”

Amani Hodar: “Gabe ahama nuaeng Lae?”

Amani Homang: “Ajun Komisaris Besar Polisi, manang AKBP.”

Tiba-tiba roma Amani Parsili. Sanga tarbegena hatani nadua i sekelumit.

Amani Parsili: “Ise mandok HKBP Kapolres, napamalo-malohon do ho sasada.”

Amani Homang: “AKBP do Kapolres Lae.”

Amani Parsili: “Dang HKBP Kapolres Lae, Islam do Kapolres. Ai dohot do au diundang tikki ditepungtawari amatta i.”

Pittor diattuk Amani Hodar ma Amani Parsili buang buang i…

  • Bagikan