Bergandengan Tangan

  • Bagikan

Oleh: Sobiran Sinaga – 

Baru-baru marminggu di Pentakosta, maila do au martopak.
Alai ala artis boru Sina nabagak do donganku sahundulan, gabe huribakkon do bergoyang ria, huhut marende “Bergandengan Tangan”.

Alana molo lagu i diendehon, wajib do tiopon tanganni dongan sahundulan di siamun dohot hambirang.

Di hambirangku ma artis boru Sina (ima pemeran iklan BH merk Khozui), jala disiamunku ma inatta pardijabu.

Dung mulak sian gareja, protesma inatta di jabu.

Idokma: “Songonna jago goyangmu nakkin huida puang. Ala artis nabagak ditiop ho, songonna semangat hian huida ho. Tu iba sohea dibahen ho songoni. Mulai minggu depan, ikkon di siamunku ho hundul daaa… Titik.”

Sebagai suami yang baik hati dan tidak sombong, huoloi do attong pangidoanni inatta.

Di minggu berikutna muse, gabe disiamunni inatta ma au hundul. Disiamunku hundul do tong boru Sina, alai Sina namatua nama, hahahaha…nasebbb…nasebbb…

Tikki lagu “Bergandengan Tangan”, holan sada ma tanganku bergoyang, ima tangan hambirang na maniop tangan ni inatta pardijabu. Molo tangan siamun hohom do, ala diboto do huroa magona, hahahaha…

Dung sahat di jabu mulak sian gareja, tong do diprotes inatta au.

Idok inatta ma: “Boasa dang dohot tangan siamunmu bergoyang nakkin?”

Hualusi ma: “Ai hope nian omak, bohado bahenon manggoyang Sina namatua?”

Hahahahaha…

 

  • Bagikan