Mandiri

  • Bagikan

Oleh: Sobiran Sinaga –

Molo ni ihuthon do lomos (kekhawatiran) ni inatta hami taringot akka dakdanak on, pasti dang hea boi iba tenang namangolu on.

Hea ma ditelpon au pas lagi sibuk.

Inatta: “Paaa… Si Yan belum nyampe-nyampe. Janjinya jam 5 udah di rumah.”

Au: “Nunga jam piga huroa saonari?”

Inatta: “Jam 5 lewat 2 menit”

Gubbbraaakkk!!!

Suang songonima taringot na naek kareta (sepeda motor). Sai lalap do dilarang inatta akka dakdanak on marsiajar markareta. Ujungna gabe au do na repot. Tudia-dia pe tergantung ma sude tu au. Pokokna dang adong kerjasama yang baik.

Akhirnya… buka forum ma hami.  Molo mamukka pakkataion na serius, ikkon di jolo ni sipanganon do attong, alias meja makan.

Hudok ma: “Molo sai larangon mu do akka gellengta on mandiri, hatop nama jibbolangon au. Hare gene doli-doli dang diboto mamboan kareta, nga hailaon bolon i.”

Disukkun inatta ma: “Apa arti hailaon bolon Pa?”

Hualusi ma: “Artinya kemaluan besaaaar.”

Hahahahaha…, terjemahan terjun bebas.

Akhirnya, mengalah ma inatta ala bosan mambege panorangion mendidik kemandirian ni akka dakdanak.

Hudok ma: “Di zaman penjajahan, ditabunihon oppungta ma sahalak gellengna di lumbung padi, asa unang ditembak tentara Buladda. Hape lupa oppungta on mangalehon mangan, gabe modding do dakdanak i. Songoni do ngolu on. Molo sai lomos hita, dang adong saut nanggo aha na direncanahon boi tercapai. Molo hamatean, sude do hita ikkon mate. Na penting, molo menyetir kendaraan bermotor ikkon hati-hati, jala unang kencang-kencang. Holan i do. Selainnya,  Tuhanta ma na mangaramoti.”

Ujungna, hupaksa ma akka dakdanak on marsiajar markareta. Mula-mula mabiar-biar do nasida. Dang songon si Basz najolo, manakko-nakko do marsiajar. Dung pe nomor 8 ban ni kareta i ala marlanggar, asa habotoan. Hahaha…

Saonari, nunga mantap be sude akka gellengku markareta. Ari minggu nunga si pudan nami be mambonceng inongna marminggu. Au, huperkuat ma attong modom. Hehehe…

Molo tu sikkola, ikkon markareta ma inna si pudan on, asa jago dibereng akka anakboru. Nangpe dang 17 taon dope, nga adong SIM (Surat Ijin Markareta).

Songonima gellengku na di Jambi. Nunga paham seluk beluk kota Jambi. Nikirim sada tu si, asa adong pakkeon na marsikkola. Lokma kareta na matua on hupakke karejo.

Ibarat na mar joker karo, pinamate ma kartu niba. Akka dakdanak on ma pinangolu kartuna. Idok akka boru Jawa i pe taho na so keren au mamakke kareta namatua, dang pardigilhu i. Hehehe… (***)

  • Bagikan