oleh

Mark-Up

Oleh: Sobiran Sinaga

Uju i di Tanjungpriok do au mula ulaon. Membantu   istilahna. Di nasahali roma sahalak bos besar ni importir mangalehon ulaon mangurus surat ijin impor barang-barang bekas seperti dingdong, bom-bom car, dll. Pokokna permainan anak-anak ma.

Hudok ma tu amatta i, jolo husukkun ma informasi dohot biaya na ringkot tusi. Hutelpon ma donganku marga Sinaga. Naburju do kedan on jala kredible.

Hupatorangma rupani rencana pengurusan surat ijin impor mainan anak bekas. Marjanjima ibana manukkun tu Departemen Perdagangan.

Dung dua ari, roma kabar sian kedanku Sinaga on, mandok boi do keluar ijin sian Departemen Perdagangan dengan biaya 4 juta. Dalam 2 minggu idok kedan on kelar ma inna pengurusan surat i.

Las ma attong rohakku umbege barita i. Hupaboa ma tu bos importir i, jala hu mark-up ma biaya gabe 15 juta, hehehe… Kebetulan porlu biaya untuk uang sikkola ni dakdanak.

Bah…, kontan do dilehon 15 juta tu au, langsung dibuat sian mobilna. Hatop ma attong hutelepon kedanku Sinaga i. Langsung janji di restoran si godang arga ma hami. Alana sian najolo prinsiphu, ikkon di jolo ni sipanganon do makkatai ulaon nauli nadenggan, hahaha…

Hulehon ma 5 juta kedan on jala pisahma hami.

Dung mulak au tu jabu, hupaberes ma uang sikkola ni dakdanak. Akka na margoar utang tutup ma sude. Tenangma attong huhilala.

Hape hari ketiga, ditelepon kedanku Sinaga ima au.

Idok ibana: “Abang, dang boi inna keluar ijin i, alana barang larangan do i.”

Pittor hutiopma ihurhu, unang sanga menceret au, hahaha… (*)

News Feed