oleh

Partukkoan

Oleh: Sobiran Sinaga –

Opat taon na salpu baru pindah tu Siantar nabalau on, pittor tu warung kopi do au parjolo marsaor. On ma warung partukkoan songon wadah komunikasi ni akka ama-ama di huta on.

Hatop do au beradaptasi, alana dang songon di lapo tuak kwalitas ni akka panghataion dison.  Tua do hata dison, apalagi mayoritas halak Jawa do pelanggan na.  Topik pembicaraan nami ima di bidang pertanian, peternakan dohot perikanan do.

Sian na marsaor di warung partukkoan on, gabe tinanda do akka tokoh masyarakat dohot tokoh ugamo, termasuk ma akka tokoh organisasi pemuda. Galang do mulani harajaon, on ma falsafah ni halak Batak na tetap ni ulahon manang didia pe au maringanan.

Sian partukkoan on, mansai godang do akka informasi ni dapot jala berguna tu ulaon dohot di ngolu niba. Salah satu contoh naboi tarida hasilna sian partukkoan on, gabe boi do lakku piga-piga unit jabu tiga-tiga niba i.

Di inganan nami on, holan hami sekeluarga do mar ugamo Kristen. Piga-piga halak dongan di luar ni lingkungan on jotjot manukkun hami, boha do boi hami bertahan dison jala terdampar hira tandiang na hapuloan.

Kuncinya adalah, rasa sayang dan hormat terhadap segala mahluk di sekitar kita akan menghasilkan berkat dari Tuhan.

Dang holan nyaman ala merasa terlindungi hami di inganan on, malah nattoari diangkat ma au gabe ketua RT. Marratus KK warga dison.
Dang hira tandiang na hapuloan hami.

Malah warga ido mandok tu gellengku: “Hebat do amongmu ate, boi gabe Ketua RT dison.”

Idok na asing muse: “Holan sanggup hamu tinggal dison hape holan hamu do Kristen nunga salut hami, apalagi ma boi gabe RT puang, dang binoto be dah.” Hehehehe…

Mudah-mudahanma boi ni ulahon jala ni pertanggungjawabhon amanah on. Alana godang dope huida warga on na berada di bawah garis kemiskinan, jala di beberapa tempat, tong dope adong perangkat kelurahan na bermain api. Dibahen nasida penerima beras raskin, hape nunga monding warga i.

Sian dia dalanna boi jolma na monding manekken dohot manjalo boras?
Tung adong pe beguna, dang boi handiton ni begu boras dah. Hahahaha… (***)

News Feed